Bromsgrove School është e vendosur në afërsi të qytezës së mrekullueshme Bromsgrove të qarkut të Worcestershire. Shkolla ka një histori shumë të vjetër, duke filluar që nga shekulli i XVI, i kohës së dinastisë Stuart. Në vitin 1693, sir Thomas Cook sugjeroi të hidheshin themelet e para të ndërtesave që bëjnë pjesë edhe në ditët e sotme në kampusin e shkollës. Godinat e ndërtuara në kohë të ndryshme përbëjnë një kombinim të larmishëm të stileve arkitekturore. Bromsgrove është sot një nga shkollat më moderne në Midlands dhe vazhdimisht zë vendet e para në klasifikimin e shkollave më të mira angleze. Investimet më të fundit janë biblioteka moderne dhe qendra e arteve, dizajnit dhe teknologjisë. Në shkollë mësojnë shumë nxënës me kombësi të ndryshme, të cilët integrohen shumë shpejt për shkak të atmosferës familjare që shkolla disponon. Qëllimi kryesor i shkollës është formimi i një personaliteti ambicioz, të fortë dhe të menduarit kritik e të pavarur. Falë përpjekjeve të përbashkëta të stafit pedagogjik dhe nxënësve, shkolla krenohet me performancat akademike të shkëlqyera dhe rezultatet e jashtëzakonshme në provimet përfundimtare, si dhe me nxënësit që janë pranuar në universitetet më elitare gjatë viteve të fundit.